កាលពីថ្ងៃទី១៩ ខែវិច្ឆិកា ឆ្នាំ២០២៤ លោក គី សេរីវុធ អគ្គលេខាធិការង នៃអគ្គលេខាធិការដ្ឋានក្រុមប្រឹក្សាជាតិប្រាក់ឈ្នួលអប្បបរមា បានចូលរួមកិច្ចប្រជុំពិភាក្សា និងផ្តល់យោបល់លើ «សេចក្តីព្រាងរបាយការណ៍ ផែនការមេអភិវឌ្ឍបណ្តាលឆ្នេរសមុទ្រកម្ពុជា ជារបៀងសេដ្ឋកិច្ចពហុបំណង និង ប្រទាក់ក្រឡា (ជាភាសាខ្មែរ) និង ការរៀបចំតួនាទី និងភារកិច្ចរបស់រដ្ឋបាលគ្រប់គ្រង តំបន់សេដ្ឋកិច្ចពិសេស ពហុបំណង (រ.ត.ព.ឆ.)» នៅទីស្តីការក្រសួងសេដ្ឋកិច្ច និងហិរញ្ញវត្ថុ ក្រោមអធិបតីភាព ឯកឧត្តមបណ្ឌិត ផាន់ ផល្លា រដ្ឋលេខាធិការ នៃក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមការងារ បច្ចេកទេសសម្រប សម្រួលអន្តរក្រសួងរៀបចំ និងអនុវត្តផែនការមេអភិវឌ្ឍខេត្តព្រះសីហនុ ជាតំបន់ ពហុបំណង និងអភិវឌ្ឍបណ្តាលខេត្តជាប់ឆ្នេរសមុទ្រកម្ពុជាជារបៀងសេដ្ឋកិច្ច ពហុបំណង និងប្រទាក់ក្រឡា (ក.ប.ព.ធ.) ដោយមានការចូលរួមពីតំណាងក្រសួង-ស្ថាប័ន, តំណាងលេខាធិការដ្ឋានព្រំដែន និងតំណាងពីរដ្ឋបាលខេត្ត ដូចជា ខេត្តព្រះសីហនុ, ខេត្តកំពត, ខេត្តកោះកុង, ខេត្តកែប សរុបប្រមាណជា ៥០រូប។
